تغطيتي لاحتفالية شركة زين للاتصالات بيوم التواصل الاجتماعي العالمي 2014

Posted in bloggers gatheringKuwaitKuwaiti talentPersonal experiencesPhotosReportsTechnologyvideoyoutube

وصلتني قبل فتره دعوة مميزه ومبتكرة من قبل شركة زين للاتصالات

لحضور احتفالية زين بيوم التواصل الاجتماعي العالمي

والدعوه كانت عباره عن علبة فيها مسجل او مايسمى  بالواكمان وداخل المسجل شريط كاسيت

للدعوه واللي عجبني فيها ان فيها اغنية خاصة حق بلوقي

من غناء عبدالعزيز نصر الله ومرى بن

صغير صج كانت الدعوه عجيبه وهذا موشي يديد على زين دايما يبهرونه بابداعاتهم  :wub:

YouTube Link

الحين نيي حق مكان الحفل كان قاعة برستيج اليديده في مجمع الافنيوز

واللي عجبني ولفت نظري ان شعارات الخاصة ببرامج التواصل الاجتماعي

بكل مكان وبطريقه حلوه ومميز

من انستقرام وتويتر والفيس بوك واليوتيوب والفليكر الخ…. وحتى بالطاولات

كانت موجوده الشعارات مثل ماانتو شايفين بالصوره الحين  :wink:   لي درجه خذيناهم

وسويناهم اقنعه وصورنا فيهم :biggrin:

ولا والحلو بالموضوع كانت معانا بنفس الطاولة المذيعه الجميلة

حصة اللوغاني ياحلوها ويا حلو نفسيتها :wub:

وهذي صورتنا المتواضعه  :sideways:

وطبعا غير هذا ضيفونا احلى ضيافه مثل مانتو شايفين على طولاتنا  :wub:

وفيه كورنر خاص بالتصوير  عارضين فيه كومنتات اتونس واضحك واللي يطفرني

تكفون وصلوني 2000 فولوز ولاتابعوني عندي كذا وكذا  ولا لايك يا الغلا :dizzy:

وطبعا عريف الحفل كان المذيع المتالق مايك مبلتع

وطبعا كالعادة مثل كل سنة عودنا رئيس فريق السوشيال ميديا

السيد/ محمد المهيني بالقاء كلمته لهذي المناسبة

بطريقه مشوقه وفيها حس فكاهي ووعدنا بمفاجات حلوة اخر السنة ان شاءالله

وطبعا هذا موشي يديد على زين زين دايما سباقة بابداعاتها ومفاجآتها  الحلوه  :wub:

وبعدها كانت فيه سحوبات وفقرات حلوه بين مايك وحمود عادل

والاخ حمزه بدع بدوره ويقلد البنات وغيره من شغلات

وهذا فيديو بسيط واهو يقلد البنات بالانستقرام  :biggrin:

YouTube Link

 والحركه اللي حبيتها ان كان فيه جرس اذا احد طق هالجرس

لازم كل الحاضرين اللي في الصالة يسكتون وتسمعون شنو راح يقول

هذا الشخص عن تجربته في السوشيال ميديا :wink:

وبعدها قدم لنا السيد / علي الحبشي فقره اشلون نقدر نحمي

حساباتنا الشخصية سواء في الانستقرام او الفيس بوك

من الاختراق ويبين لنا بعض الهاكرز اللي اقدروا

يدشون على شركات عالمية مثل ماكدونالدز وبيرجر كنج

وكان هناك ايضا كلمة للدكتوره نوره رمضان واللي تكلمت عن تعاملها مع الفولوز

بالانستقرام وتقديم لها استشارات مجانية للاستفاده

وفي الختام اشكر شركة زين للاتصالات واخص بالشكر فريق سوشيال ميديا دي

اقولهم يعطيكم الف عافيه كفيتو ووفيتو

ونستونا الله يونسكم بالعافيه  :heart:

 والصراحة  كان خوش افنت ونتمنى الافنت الياي يكون احلى من جذي …

الشكر موصول ايضا لشركة

المنظمة المميرة ” سنيار ” على تنظيمهم الاكثر من روعه

يعطيكم الف عافيه وقواكم الله  :wub:

احبكم  :heart: